E Mimaneskiri paramis
Materiali baši tema Gadje-rasizmo
Pedagokiakoro materialo e štare video-modulencar taro dokumentarno filmi „With Wings and Roots“
Kotar o butikeribe maškar e IniRromnja, With Wings and Roots thaj RomaniPhen, iklilo o materialo “E Mimaneskiri paramis” baši Gadje-rasizmo. I autorka si i Hajdi Barz, koja so si membro kotar i IniRomnja. E Mimaneskiri paramis sikavel o deficito bašo “Gadje-rasizmo” ko avdisutne edukaciakere materialia- e strukturakoro thaj interpersonalnikano rasizmo mamuj e Rom*nja that Sint*izze e gadjengere rigatar.
Akava edukaciakoro materijali džal jekhethane štare video-modulencar taro dokumentarno filmi WITH WINGS AND ROOTS. Ko videa si sikavdo o Miman, jek Rom tari Germanija, kova so kerel buti sar socialnikano butjarno.
Vov ažutinel/pomožinel e našlune Rom*njen ko Berlin. Ko akava edikaciakoro materijali šaj te arakhljon informacie e menušenge so keren buti ki edukacia thaj užutinen/pomozinen javeren, šaj te putrel pes diskusia baš odova so si sikavdo ko videa ja te keren pes vežbe.
Akava materijali si ote te senzibilizirinel sa e sikavnenge thaj odolenge so sikljon i istoria thaj i momentalno situacia e Rom*njengiri thaj e Sint*izzengiri ki Germanija. Vi akhal, trubuj te stimulirinel jek kritikani refleksia thaj te zorjarkerel i solidarizacija ko terne manuša javere komunendar.
