O lil “Čhaje Zoralije”
“Čhaje zoralije, čhaje šukarije” si jekh čhavorikano lil koleste so šaj te crtine (makhe, risauline).
Ke lila ja ko avera edukaciakere materialia našti te araken pes pozitivna bukja e Rom*njenge thaj Sint*izzenge.
Kobor si potikne e čhave, odobor pohari arakhljon pes pozitivna bukja e Rom*njenge ko edukaciakere materialia (ko lila, video, kukle, khelinori/eglendža). E Rom*nja si salde sikavde sar stigmatizirime subjektia. Ko filmia ja paramisa, sikaven e Rom*njen sar čorore, mistikane, opasna (darakere manuša) thaj džungale. Panda katar o ciknipe/tiknipe, bajron e čhave negativno prestavaja e Rom*njenge thaj e Sint*izzenge, džanen salde e bukja so avera džene vakeren/mothoven upral e Rom*nja. Sa odova anel dži ko rasizmo.
Odoleske si šukar te sikaven pes vi e pozitivna bukja baši e Rom*nja thaj o prezentiripe e Rom*njengoro te avel katar e Rom*nja korkore. Akhal ka šaj e čhave te identifikuinen pes/ pendžaren pes thaj ka oven emocionalno zurale mamuj i rasistikani diskriminacia.
Vi akhal e čhaven, upral kolende naje kerdo rasizmo, ka ovel len šansa te sikljon e pozitivna bukja baši e Rom*nja thaj odova bizo kliše. Kana ka sikljon baši e Rom*nja, von ka oven zurale mamuj i diskriminacia.
E romane autoria, muzikantia, akteria thaj politikakere manuša kola so arakljon akale lileste, sikaven kompleksikana perspektive e čhavenge ko teme: katar aven ja kova gender si ko akaja diverzikani komuna.
Akava lil šaj te huljavel pes sar pdf formati ja šaj te aven ki RomaniPhen thaj te len o le. Angleder trubuj te kontaktirinen ameni ko email info(at)romnja-power.de