Ophelia´s Revenge!

I grupa sine terneberšengere manuša (13-18 beršengere) kolengere daja thaj dada našle katar o maripe ki Jugoslavija ja sine paldime kaj si Rom*nja thaj našle ko Berlin. I romani aktivistka thaj akterka Sandra Selimovic (pendžardi pala o teatro Roma Armee) kerga buti akale grupaja angleder, sikada len teatareskere metode. Pali odova, iklilo akava teatareskoro proekto.

O cilo si te sikavel pes sar šaj te pagen pes e purane rol-modelia (savi trubula te ovel jekh džuvli ja savo trubul te ovel jekh murš) thaj strukture so si ko šero e čhajenge thaj e terne romnjenge ko Berlin, kola si konfrontirime stereotipencar thaj patriarhalno modelencar. Akava workshop del empowerment. O terne akterke mangen te khelen džuvlakere klasična role/uloge, sar so si Gretchen von Faust, Desdemona von Othello, Ophelia von Hamlet. Von si pendžarde ke Evropakoro teataro. Sa akala uloge/role si perde džuvlikane thaj muršikane stereotipencar: i džuvli si sikavdi sar bimelali, pasivno, “histerikani toleratno” ja sar persona so zavisini avderendar. Lakiri egzistencia zavisini/adhinel odolestar savi si lakiri relacia e muršencar.

Analizirinde pes e džuvlikane figure ko teatareskere tekstia thaj kerdili jekh refleksija maškar legere uloge thaj o avdusitno dživdipa. O terne pučen pes “So ka ovel sine, te na mudarelpes sine i Ophelia, numa te mukhel sine e Hamlete thaj te astarel sine nevo dživdipe?” Sar šaj te ikljol pes kotar akale role/uloge thaj te del pes zoralipe jekhe figurake?

O rezultati si snimime/lendo ko/upral video thaj arakhel pes sar dokumentacia ko RomaniPhen Archiv.