Tayo Awosusi-Onutor  si giljavutni, autorka thaj publiciska.

Voj mothovela korkori pes sar Afro-Sintezza. Voj kerel korkori peske interpretacija ki olakeri muzika pe Angličisko, Njamcisko thaj Romani čhib.

Tayo si pe studije pala Njamcisko  čhib thaj multimedia ko Heidelberg thaj Karlsruhe. Voj si o dujto manuš /ko-fandero/ kotar i RomaniPhen e.V. si kotor katar  IniRromnja.

Olakoro intereso si pe edukacija, historija thaj civilno hakajengo miškipe.

Ko 2017 berš, voj publiciringja o dokumentarno filmo “Phral mende – Wir über uns. Perspektive kotar e Sinti* thaj Roma* ko Njamco.”

Pe 2021 berš, e Tay-akero avgo čhavorikano lil si “Jokesi Klubo, Jekh, Dui, Drin – 3 amalina ko Berlino” savi sine publicirimi. Ko lil, e trin amalina, kola si terne Romnja: ja pale Sintizzi:, si e heroine ki akaja storija.

O Klubo JOKESI si o avgo serijalo pe čhavorikane lila pe njamcisko čhib karakteroncar kote isi  Romane thaj Sinti heroine ki akaja paramisi.

O JOKESI Klubesko lilengo serijalo ka ovel publikuimi /ikaldo avri/ kotar o nevo lilengo publicero omobooks Verlag kerdino ko 2023 berš, omolila Verlag mangela te del sa e terne manušenge lila so dena javeder realiteto kotar o vizuelno dživdipe. Specijalno okolenge kola so na dikhena pes najtale. O fokuso akate naj e manušengi situacija,  numa si olengoro glaso.

I Tayo si vi političko aktivno ko buteder koloritno komunitete. Buteder informacije ka arakhen pe olakeri artistikani bučhi pe:

www.tayo-online.de

"O VIZUELITETO THAJ I KORKORUTNI-PREZENTACIJA SI VAŽNO  VAŠ I AMARI KOMUNITETAA SPECIJALNO  E DŽUVLENGE SI BUT VAŽNO THAJ KODO SI VARESO SO BUT TRUBUJ OLENGE.ODOLESKE SIJUM BUT LOŠALI SO SIJUM KOTOR KATAR I ROMANIPHEN. ME MANGAVA THAJ PAKJAVA KAJ AMARI SOCIETA HALJOVELA KAJ AMEN KHETANE MARAS AMEN MAMUJ O RASIZMO THAJ SAVORE MUSAJ TE OVEN FEMINISTORA TE ŠAJ TE PROTEKTIRINA /ARAKAS/AMARE MANUŠIKANE HAKAJA."